Portieri shqiptar Gentian Selmani pritet të ndryshojë skuadër, por sërish do të mbetet në Turqi.

Sportisti i Menemensporit raportohet se ka arritur marrëveshje me klubin e Superligës të Turqisë, Malatiaspor.

Lajmi është bërë i ditur në mediat vendase ku thuhet se për shkak të dëmtimit të portierit Ertaç Ozbir dhe mosbesimit ndaj gardianit rezervë Abdulsamed, Malatiaspori po negocion me ish-portierin e Laçit, i cili ka kënaqur drejtuesit me paraqitjet e tij.

Duke parë situatën në të cilën ndodhet, Malatiaspori nuk dëshiron të rrezikojë sezonin dhe është gati të bëjë një “sforco” financiare për Selmanin. Po sipas mediave turke, zyrtarizimi i Selmanit si lojtari më i ri i Malatiasporit do të realizohet në një kohë të shkurtër.

Gentian Selmani u transferua në verën e 2019-ës te Menemenspori. Ai ka zhvilluar deri tani 49 ndeshje me fanelën verdheblu. Gjatë verës, u shtua interesi nga klubet e Superligës së Turqisë dhe jashtë vendit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.