Mesfushori shqiptar Bastien Toma ka realizuar një gol për Genkun, në ndeshjen ndaj kampionit në fuqi Club Brugge në elitën e futbollit belg.
Toma realizoi golin e dytë për Genkun në minutën e 34-të. Mirëpo ky gol nuk i ka mjaftuar Genkut që të nxjerrë rezultat pozitiv ndaj kampionit në fuqi.
Brugge pas 23 xhirove kryeson me 51 pikë, 12 më tepër se Genku që zë vendin e dytë.
Nga ana tjetër, në Bundesligë 2 në Gjermani na vijnë pamjet spektakolare të gjuajtes së lirë të futbollistit shqiptar Florent Muslijaj.
Ai luan në Bundesliga 2 me Hanoverin që triumfoi 5:2 ndaj Nurbergut. Përfaqësuesi i Kombëtares së Kosovës Muslija u fut në lojë nga stoli në 25 minutat e fundit për ta shënuar golin e katërt të Hannoverit dhe për ta krijuar të pestin në stadiumin Max-Morlock.
Ai shënoi gol në minutën e 72-të, shtatë minuta pasi u fut në lojë dhe pastaj asistoi për Patrick Tëumasi, i cili e vulosi fitoren e Hannoverit në minutën e 86-të.
Ky ishte goli i dytë dhe asisti i parë i sulmuesit kosovar për Hannoverin në 10 paraqitje deri tani në kategorinë e dytë të futbollit gjerman.
22-vjeçari ka luajtur në 10 prej 17 ndeshjeve të Hannoverit në ligë deri tani këtë sezon, por vetëm tri herë si titullar.
🇩🇪🇽🇰 | Florent Muslija scores a free kick and gets an assist against @1_fc_nuernberg. pic.twitter.com/o2VRlBZ3sC
— Dardanian Football (@DardanianFooty) January 24, 2021
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
