Selatin Kraja, mjeku shqiptar i cili punon në New York, tregon për eksperiencën e tij pas vaksinimit dhe i bën thirrje të gjithëve që të mos hezitojnë ta marrin vaksinën anti-covid. Ai flet edhe për situatën në SHBA.

“Unë një ditë mbrapa, kam patur disa dhimbje kështu lokale aty ku e kam mar vaksinën, kam patur disa ethe, kam pas dhimbje të trupit, por të gjitha brenda 24 orëve janë zhdukur. Merreni vaksinën sa më parë që të jetë e mundur mos u besoni thashethemeve të mjekësisë, besoni shkencës”,- shprehet Dr. Kraja.

Mjeku Selatin Kraja në një intervistë televizive për Klan Macedonia vlerësoi se situata me COVID-19 në botë askund nuk është menaxhuar siç duhet, duke mos përjashtuar edhe SHBA-të.

“Kur u hetua që virusi doli administrate në vend që të marr masa të duhura ajo veproi të kundërtën, inkurajoi popullin mos të bartin maskat, që të mblidhen mos të respektojnë rregullat në përgjithësi për parandalimin e covidit. Por edhe tani gjendja nuk është e mirë problem I madh është me testim, njerëzia duhet me prit në rradhë edhe tani në dimër në të ftohtë, në disa orë për me bërë një testim të thjeshtë”, thotë ai.

Mjeku Kraja është shprehur edhe rreth shqetësimeve për furnizimin dhe administrimin e procesit të vaksinimit anti-covid, problem të cilën përballet e gjithë bota. Ai shpreson se administrata e re amerikane në krye me Presidenti Xho Bajden, do të punojë më shumë në këtë aspekt.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.