Futbollisi shqiptar Arlind Ajeti në ndeshjen e sotme në minutën e 18-të, goditi saktë me kokë brenda zonës, duke kaluar në avantazh skuadrën e tij. Ky ishte goli i parë në Serinë B për shqiptarin, i cili është shndërruar në një protagonist te skuadra e tij.

Shqiptari Ajeti arriti të shndërrohej në protagonist, duke nxjerrë ekipin nga kriza e rezultateve negative.

Rexhiana dyfishoi shifrat në minutën e 75-të me anë të Muratores, ndërkohë që Zonta ngushtoi diferencën në sekondat e fundit për miqtë e Vinçencës. Me këtë fitore skuadra e Ajetit i dha fund rezultateve negative radhazi, duke u ngjitur në vendin e 16-të.

27-vjeçari u vlerësua me notën 7.1 nga faqja e specializuar e statistikave “Sofa Score”, teksa qëndroi në fushë gjatë gjithë ndeshjes. Mbrojtësi tentoi vetëm 1 herë portën, ku gjuajta e tij u shndërrua në gol. Për sa i përket dueleve të fituara, Ajeti arriti të triumfonte në 4 nga 9 duelet me kundërshtarë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.