Taluant Xhaka po kalon një periudhë shumë të vështirë, teksa ka mbyllur sezonin, për shkak të një dëmtimi në ligamentin e gjurit të majtë.

Mesfushori i Kombëtares qëndron jashtë fushave nga gushti i vitit të kaluar, ku pësoi dëmtimin dhe pak ditë më parë mori lajmin e keq që duhej t’i nënshtrohej operacionit. Duke parë momentin e vështirë që po kalon lojtari, tifozët e Bazelit kanë menduar t’i gjenden pranë, duke e surprizuar me një veprim të bërë së fundmi.

Tifozët kanë shkuar në shtëpinë e Xhakës, dhe jashtë saj kanë vendosur një banderolë të madhe, në të cilën shkruhej: “E kuqja është dashuri, e kaltra besnikëri. Bëhu më mirë Taulant!”

I surprizuar ka mbetur nga ky veprim i tifozëve edhe mesfushori i cili i ka falënderuar ata nëpërmjet  profilit zyrtar në “Instagram”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.