Një muaj më parë u miratua nga Këshilli i Ministrave, me propozim të Ministrit të Shtetit për Diasporën Z. Pandeli Majko, krijimi i “Këshillit Koordinues i Arsimtarëve në Diasporë”. Ky Këshill do të funksionojë si një strukturë konsultative pranë Qendrës së Botimeve për Diasporën.
Lexo edhe: Vendimi / Miratohet krijimi i Këshillit Koordinues të Arsimtarëve në Diasporë
Në vijimësi të projekteve me Këshillin Koordinues të Arsimtarëve në Diasporë është publikuar sot online Revista elektronike “Këshilli Koordinues i Arsimtarëve në Diasporë”.
Kjo revistë ka një informacion të plotë mbi kuadrin rregullues ligjor, për funksionimin e këtij Këshilli që është një strukturë konsultative për çështjet e arsimit shqip në Diasporë, e cila funksionon pranë Qendrës së Botimeve për Diasporën.
Mësuesit shqiptarë në Diasporë, me Këshillin Koordinues të Arsimtarëve në Diasporë do të kenë tashmë, një mekanizëm në dhënien e opinioneve profesionale për arsimin shqip në Diasporë dhe për organizimin e mësuesve, të cilët punojnë në distancë nga vendlindja, duke i shërbyer mbrojtjes së identitetit dhe kulturës kombëtare. Gjithashtu revista ju njeh me formimin professional të anëtarëve të Këshillit.
Revista online këtu: Revista elektronike “Këshilli Koordinues i Arsimtarëve në Diasporë”
Anëtarët e Këshillit Koordinues të Arsimtarëve të Diasporës janë: Vaxhid Sejdiu (Zvicër), Mira Hasa Shehu (Kanada), Teuta Tabaku (Turqi), AurelaKonduri (Greqi), Anila Kadia (Mbretëri e Bashkuar), Armenda Amiti (Slloveni), Dritan Mashi (Itali), Isuf Bytyçi (Gjermani), Melita Oreshkoviç (Kroaci), Michele Greco (Itali), Mimoza Dako (Zvicër), Miradie Berisha (Austri), Mustafë Krasniqi (Gjermani), Musa Pali (Zvicër) dhe Qemal Zylo (SHBA).
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
