Artisti shqiptar Vasjan Zisi po shijon suksesin e tij në muzikë duke pasur një vizion të qartë për të ecu para.

Ai ka lindur në Greqi dhe në moshën 16-vjeçare bëri hapat e para në industrinë e muzikës duke ndihmuar në organizimin e shfaqjeve në shkollë të mesme. Pasi përfundoi gjimnazin “Raqi Qirinxhi” në Korçë, Vasjani, i njohur si Vas në SHBA, u zhvendos në Masaçusets në 2018-tën.

Duke punuar me shtëpi të shumta si Lil Baby, Tory Lanez, Da Baby dhe shumë të tjerë ai shkoi drejt krijimit të emrit të tij në një industri të njohur për natyrën e shpejtë dhe konkurruese.

Vasjani ka arritur të marrë një sërë çmimesh si “Promovuesi i vitit 2020”. Në SHBA konsiderohet si një artist i shumanshëm, teksa është pronar i dy listave të mëdha në Apple Music “New England Top 50” dhe “Rhode Island Top 50”, duke zgjeruar ndikimin e tij dhe duke u shfaqur si muzikant.

Lajmi për këtë përpjekje të tij qarkulloi në nëntor të 2020 dhe më pas vetë artisti shqiptar e konfirmoi kur postoi një klip të shkurtër në bashkëpunim me artistin Ron Suno.

Reperi që jeton në Boston tashmë po synon të zërë një vend me artin e tij duke përfaqësuar me krenari Bostonin që për një kohë të gjatë nuk ka pasur një përfaqësues të hip hopit, duke planifikuar të krijojë një pozicion të vetin mes gjigantëve botërore të muzikës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.