Pas evidentimi të një varianti të ri të coronavirusit Universiteti i Oxfordit ka nisur punën për përgatitjen e një vaksinë të re.

Shkencëtarët nga Universiteti i Oxfordit, pjesë e të cilit janë edhe dy motrat shqiptare Detina dhe Argita Zalli, po përgatiten të prodhojnë versione të reja të vaksinës sa më shpejt të jetë e mundur, të cilat do të jenë në gjendje të luftojnë llojet edhe më ngjitëse të virusit, raporton Independent.

Ekipi që qëndron pas vaksinës nga Oxford dhe AstraZeneca po kryen studime të fizibilitetit për të përshtatur teknologjinë rreth prodhimit të versioneve të reja të vaksinës.

Oxford është duke monitoruar nga afër ndikimin e llojeve të reja të koronavirusit të zbuluar në Britani të Madhe, Afrikën e Jugut dhe Brazil në imunitetin e siguruar nga vaksina e tyre dhe po vlerësonte proceset e nevojshme për të përshtatur vaksinat sa më shpejt të jetë e mundur për të luftuar mutacionet COVID-19.

Vaksina e Oxfordit synon të njëjtën proteinë, duke rritur shpresën se edhe ajo do të jetë në gjendje të shkaktojë një përgjigje imune tek njerëzit që është në të njëjtën mënyrë e aftë të neutralizojë mutacionet e variantit të ri.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.