Pak javë para zgjedhjeve të parakohshme në Kosovë, mes shumë polemikave për mënyrën që KQZ e Kosovës ka zgjedhur për konfirmimin e votës së Diasporës, kryetarja e KQZ-së, Valdete Daka ka sqaruar në një intervistë për ABC News detajet.
“Operacioni i ndërlikuar i kushtueshëm për të gjithë ata që aplikojnë të jenë votues dhe na sjell kokëçarje për shkak të afateve të shkurtra. Nëse do ishin afatet ligjore mërgata do të kishte kohë të mjaftueshme të votojë, të regjistrohet si votues jashtë Kosovës, po afatet e shkurtra sjellin kokëçamje dhe për ne si KQZ. Na sjell një punë të jashtëzakonshme. Duhet të angazhojmë staf të madh të pranojë të gjitha këto aplikime, t’i verifikojë, të kontaktojë me ta e të vendosë nëse do i pranojë si votues jashtë Kosovës. Mos harroni ky proces është i cenueshëm dhe ne si KQZ kemi obligim të verifikojmë çdo qytetar i cili tenton të votojë dhe të jemi të sigurtë se ai votues është vërtetë votues me të drejtë të tij që të votojë e jo të jetë dikush i cili keqpërdor votën e qytetarëve”, tha znj. Daka.
Por a do të arrijë të votojë Diaspora? Znj. Daka thotë se ka nisur aplikimi i qytetarëve që të regjistrohen. “Për të qenë më e qartë ata së pari duhet të regjistrohen si votues, të vërtetohen nga KQZ pastaj ta marrin konfirmimin se janë regjistruar me sukses si votues jashtë Kosovës dhe pastaj momentin kur ne e kemi fletëvotimin, të njëjtin ta shkarkojnë nga faqja jonë dhe të në a e dërgojnë deri në 24 orë para ditës së zgjedhjeve. Ata do i dërgojnë me postë dhe vetëm ato do të jenë të pranuara”, tha Daka.
Kryetarja e KQZ së Kosovës thotë se çdo votë ka ndikim por për shkak të kohës së pamjaftueshme dhe duke pasur parasysh shqiptarët që jetojnë jashtë, është një unmër i vogël i votave që vijnë në Kosovë e më pas numërohen.
“Në zgjedhjet e kaluara ka qenë diku te 35 mijë vota që shpërndahen në të gjitha subjektet, disa më shumë disa më pak, por përsëri nuk është numri ai që korrespondon me numrin e qytetarëve me të drejtë vote që jetojnë jashtë Kosovës. Mos të harrojmë ne llogarisim se i kemi diku rreth gjysmë milioni qytetarë që jetojnë jashtë Kosovës. Këto janë shifra të paverifikuara, ndoshta ka dhe më tepër. Unë besoj se ka më tepër”, tha kryetarja e KQZ-së.
Ora 18.00 e ditës së sotme, 21 janar ishte parashikuar si afati i fundit i periudhës së regjistrimit të votuesve jashtë vendit. Kosova do të mbajë zgjedhjet e parakohshme më 14 shkurt.
Ndërkaq, nga zëdhënësi i KQZ-së, Valmir Elezi në një prononcim për Telegraf bëhet e ditur se deri më 20 janar janë rreth 11 mijë aplikime që kanë konfirmuar të dhënat e tyre në qendrën e thirrjeve të Komisionit Qendror të Zgjedhjeve, ndërsa dy mijë aplikantë nuk e kanë hapur telefonin.
Për këta të fundit Elezi tha se do të tentojnë përsëri t’i kontaktojnë.
Ndërkaq, nga numri i përgjithshëm i atyre që janë lajmëruar në telefon, 13 persona të cilët i kemi kontaktuar kanë thënë se nuk janë personat konkret. Elezi sqaroi se numri i këtyre aplikacioneve mund të ndryshoj më vonë, për shkak se mund të ketë raste kur i njëjti person ka dërguar me shumë se dy aplikacione për ndryshim. Sipas tij, pastrimi i bazës do të bëhet për të evituar aplikacionet që janë dërguar më shumë se dy herë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
