Organizatorët e konkursit “Merr një varg dhe eja” kanë vendosur të shtyjnë afatin e pranimit të krijimeve të fëmijëve nga Diaspora, kjo pas kërkesave të shumta të shtyrjes së afatit të vendosur fillimisht.
Kështu është bërë e ditur përmes një komunikate për mediat nga organizatoret, Elona Gjergo nga “Shoqata Korça- Athinë”, Brikena Qama nga “Lobi Euro-Atlantik Shqiptar” dhe Aina Hoti nga “Shoqata Swiss Albania Event- Zvicër”.
Në njoftim thuhet se në koordinim me jurinë e “Merr një varg dhe eja”, u vendos që afati i dorëzimit të krijimeve të shtyhet deri në datën 30 Janar 2021.
“Konkursi “Merr një varg dhe eja” në edicionin e dytë të tij, fton të gjithë fëmijët e Diasporës, të moshave 7-15 vjeç, të konkurojnë me krijimet e tyre (poezi, prozë-tregim ose përrallë). Të gjithë fëmijët pjesëmarrës do të marrin një “certifikatë” pjesëmarrjeje, ndërkohë që tre çmimet e përzgjedhur nga juria do të marrin medaljet përkatëse. Organizatorët kanë menduar që krijimet e fëmijëve të përmblidhen në një antologji e cila do t’ju dhurohet fëmijëve”, shprehen organizatorët.
Ky konkurs ka për qëllim nxitjen e fëmijëve në Diasporë të shkruajnë gjuhën shqipe dhe është një aktivitet që mbështetet krejtësisht në vullnetin e mbështetjen financiare të organizatorëve.
Krijimet e fëmijëve mund të dërgohen në e-mail: [email protected].
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.