Një ekspozitë dedikuar gjuhës dhe simboleve të Mesdheut ka hapur dyert këto ditë në Spanjë.

“Gjuha dhe simbolet e Mesdheut”  është titulli i ekspozitës dhe do të qëndrojë e hapur nga data 16-31 janar 2021.

Në këtë ekspozitë me piktura merr pjesë edhe Cettina Mazzei, artistja e mirënjohur arbëreshe. Punimet e saj janë organizuar nën titullin “Simbolet arbëreshe në Mesdhe”.

Lajmin e ka bërë të ditur vetë autorja, e cila ka publikuar edhe disa prej punimeve me të cilat merr pjesë.

Cetina Mazzei është diplomuar për skenografi dhe është studiuese e pasionuar e traditave popullore të arbëreshëve. Pasioni dhe dashuria për kulturën arbëreshe e ka shtyrë të bëjë studime edhe në Shqipëri, ku ka thelluar njohuritë për gjuhën, artin, antropologjinë dhe etnografinë e kulturës tonë materiale dhe jo materiale.

Krijimet e saj janë origjinale dhe plot fantazi, dhe brenda formave të veçanta përfshijnë veçoritë e traditës kombëtare, ndaj edhe janë klasifikuar si “art etnik”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.