Dy filma shqiptar do të shfaqen në “Trieste Film Fetival”, i cili do të mbajë edicionin e 32-të në datat 21-30 janar 2021, por këtë herë online.
“Galaktika e Andromedës” dhe “Exil” janë dy filmat pjesëmarrës me producent artistë nga Kosova.
Filmi “Galaktika e Andromedës” vjen me regji të More Raça dhe aktorë: Sunaj Raça, Juli Emiri, Elda Jashari, Avni Dalipi, dhe Don Raça. Filmi me producent Sunaj Raçën është bashkëprodhim i Kosovës me Spanjën.
Filmi flet për Kosovën e vitit 2019, korrupsioni dhe papunësia nuk i japin mundësi Shpëtimit të gjejë një punë. Gjërat bëhen më të vështira kur shtëpia e fëmijës i dërgon vajzën të jetojë me të. Pas vështirësive të panumërta, ai vendos të shkojë jashtë për të paguar për vete dhe vajzën e tij një udhëtim në Gjermani në kërkim të një jete më të mirë.
“Është një histori që flet për njerëz me të cilët unë jetoj dhe që, me gjithë vështirësitë, gjithmonë kanë një buzëqeshje në fytyrë dhe janë plot shpresë. Një burrë i përbuzur, i refuzuar, por ende plot krenari gjen lumturinë në gjërat më të thjeshta që i ofron jeta, vajza e tij dhe dëshira për një të ardhme më të mirë i japin shpresë. Një baba që sakrifikon veten në mënyrë që vajza e tij e vetme të ketë një të ardhme. Me këtë film, doja të isha sa më afër jetës reale. Doja që shikuesi të ndjente se çfarë do të thotë të jesh kaq i dëshpëruar dhe i detyruar të kalosh nëpër të gjitha këto fatkeqësi”, rrëfen regjisorja.
Ndërsa filmi “Exil” ka për regjisor Visar Morinën dhe aktorë: Mišel Matičević, Sandra Hüller, Rainer Bock, Thomas Mraz, Flonja Kodheli.
Xhaferri është një inxhinier farmaceutik nga Kosova që jeton në gjermani dhe papritmas ndjehet i diskriminuar dhe i ngamcuar në punë për shkak të prejardhjes së tij etnike. Kur Xhaferi gjen një mi të ngordhur të varur në portën e shtëpisë së tij menjëherë për të është e qartë se janë kolegët që e kanë bërë. Ankthi tek ai rritet çdo ditë. Bashkëshortja e tij gjermane Nora është e lodhur nga kjo lojë e tij. Kolegët e tij thjesht nuk e pëlqejnë? Apo ka më shumë në armiqësinë e tyre? Apo gjithçka është në mendjen e tij? Ai është vlerësuar në festivalin e fundit të filmit në Sarajevë.
“Unë konstatoj se në Perëndim shpesh ka këtë arrogancë të madhe ndaj njerëzve nga vendet e dobëta ekonomikisht. Ekziston një epërsi e perceptuar kur bëhet fjalë për arsimimin, lirinë e mendimit dhe profesionit… Unë shkrova skenarin në vitin 2016 dhe zbulova se ishte një vit shumë i veçantë. Ndjenja ndaj refugjatëve ishte kthyer … Unë kisha ndjesinë se vendi po ndryshonte, se paranoja mbretëronte. Përshtypja ime ishte natyrshëm e ngjyrosur edhe nga materiali me të cilin merresha çdo ditë”, thotë Morina për Trieste Film Festival.
Ky aktivitet aspiron të bëhet një urë ideale midis Italisë dhe Europës së Lindjes. Të gjithë filmat do të prezantohen në një platformë on-line, për të shpërndarë kulturën në këto momente të vështira.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
