Pas një mungese të gjatë portieri shqiptar ishte më i gatshëm se kurrë për të qenë në fushë, teksa këtë gjë e vërtetoi duke bërë një paraqitje fantastike, teksa i vendosi “kyçin” portës, në triumfin 0-2 të SPAL-it në Kupën e Italisë ndaj Sasuolos, duke vijuar në fazën çerekfinale, ku do të përballen me Juventusin e Andrea Pirlos.
Pas disa mungesave për shkak të COVID dhe disa probleme shëndetësorë, Berisha ka arritur të marrë vëmendjen e të gjithëve me një performancë mjaft të mirë.
Berisha ishte një nga lojtarët më të mirë në fushë në ndeshjen e djeshme, duke bërë disa ndërhyrje vendimtare.
Portieri i Kombëtares është vlerësuar me notën 6.5 për ndeshjen e sotme nga “Tuttomercatoweb”, teksa për të thuhet: “Bën një pritje të shkëlqyer në pjesën e parë, duke i mohuar golin Raspadorit. Paraqitje e shkëlqyer edhe në pjesën e dytë, ku me pritjet e tij, bën që SPAL-i të largohet nga ‘Mapei’ me portën e paprekur”.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.