Konsullata e Përgjithshme e Republikës së Shqipërisë në Bari njofton të gjithë shtetasit shqiptarë se duke filluar nga sot do të nis një shërbim të ri nëpërmjet portalit e-albania.
Të gjithë qytetarët shqiptarë që jetojnë në Rajonet e Puglias, Molises, Basilikatës, Kalabrisë, Sicilisë dhe Sardenjës mund të aplikojnë për të lënë takim për Pasaportë dhe Kartë ID në portalin e-albania.
Konsullata në Bari shpjegon se si mund të bëhet aplikimi: “Mund të aplikohet Online njësoj si për çdo shërbim tjetër që mund të keni marrë ju apo të afërmit tuaj në Konsullatën tonë. Për rikujtesë :
Mënyra për të bërë aplikimin online është si më poshtë:
- Klikoni në portalin qeveritar www.e-albania.al;
- Zgjidhni SHKO (Shërbimet Konsullore Online);
- Regjistrohu
- Kërko shërbimin dhe zgjidhni atë që ju nevojitet, p.sh. aplikim për pasaportë dhe kartë identiteti, aplikim për prokurë të posaçme, aplikim për leje kalimi, aplikim për vërtetim konsullor etj, etj.
Në vijim plotësoni të gjitha të dhënat personale që sistemi ju kërkon dhe përfundoni regjistrimin, në fund të së cilit do t’ju vijë një kod me 4 shifra në emailin tuaj. Atë kod do ta vendosni në portalin ku ju kërkohet dhe në fund ju del mesazhi se regjistrimi juaj u krye me sukses.
- Vendosni numrin personal që ndodhet poshtë djathtas në pasaportën ose kartën tuaj si dhe pasëordin që vendoset kur bëtë regjistrimin. KUJDES JO KODIN 4-shifror që ju erdhi me email, dhe më pas HYR. Krijo Aplikim të Ri.
Ju keni mundësi ta zgjidhni datën dhe orën individualisht online dhe Konsullata ju konfirmon me email pranimin e aplikimit.”
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
