Futbollisti shqiptar i lindur në Gjermani, Leon Dajaku po kërkohet nga katër ekipe ndërkombëtare.

Një ndër këto ekipe është edhe Milani, i cili kryeson momentalisht kampionatin italian. Sulmuesi 19-vjeçar po kërkohet nga disa klube shkruan portali sportiv “Goal” në versionin italian.

Përveç Milanit, Union Berlin, Koln dhe Nice janë tre klubet e tjera që e pëlqejnë Leon Dajakun. Menaxherët e futbollistit shqiptar kanë nisur bisedimet për të gjetur një skuadër të përshtatshme për sulmuesin. Synohet që të arrihet një marrëveshje për huazimin me të drejtë blerjeje të të riut.

Futbollisti nga Kosova ka luajtur në Bundesliga me fanellën e Bayern, sezonin e shkuar. Ai ka spikatur me ekipin e dytë, duke shënuar edhe tre gola në kampionatin aktual. Bayern e ka marrë atë nga Sttutgart për 1.5 milion euro në korrik të vitit 2019.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.