Danimarka ka akorduar një fond prej 6 milionë eurosh për vendet e Ballkanit Perëndimor përfshi edhe Shqipërinë, për të ndihmuar këto shtete për menaxhimin e kufijve dhe migrantët që ndodhen aktualisht në këto vende.
Bëhet fjalë për dy projekte rajonale në Ballkanin Perëndimor që synojnë të forcojnë si kontrollin në kufi për parandalimin e emigrantëve të tjerë të paligjshëm dhe riatdhesimin e tyre apo azilkërkuesve të refuzuar.
“Qeveria ka vendosur të forcojë kontrollet kufitare dhe riatdhesimin e migrantëve në gjashtë vende të Ballkanit Perëndimor: Shqipëri, Bosnje-Hercegovinë, Mali i Zi, Maqedonia e Veriut, Serbia dhe Kosova me 6 milionë euro”, sqaron ministria e Jashtme daneze në një njoftim për shtyp.
Nga janari i 2018 deri në qershor të 2020 janë rreth 167 mijë emigrantë që arritën në Ballkanin Perëndimor, 1600 prej të cilëve aktualisht jetojnë në çadra e sidomos në kampin Lipa në Bosnje ku si pasojë e zjarrit që ra u bë e pajetueshme.
Të dy projektet zbatohen nga Organizata e Kombeve të Bashkuara dhe IOM.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.