Të gjithë personat që do të udhëtojnë drejt Amerikës duhet të paraqesin një përgjigje negative të testit të COVID-19.

Ky është njoftimi i fundit nga autoritetet e SHBA, i cili do të hyjë në fuqi pas dy javësh.

COVID-19 ka prekur më shumë se 22 milionë persona në SHBA dhe i ka marrë jetën 370 mijë njerëzve. Masa e re për udhëtimet është vendosur për të parandaluar përhapje të formave të reja të virusit, të cilat sipas shkencëtarëve përhapen më shpejt.

Vendimi i fundit vlen për të gjithë shtetasit amerikanë si dhe shtetasit e huaj që do të udhëtojnë drejt SHBA.

Linjat ajrore do të ndalojnë pasagjerët të udhëtojnë nëse nuk paraqesin përgjigjen negative të testit.