Endri Çekiçi ka gjetur golin në ndeshjen e kampionatit turk, Ankaraguxhu-Bashaksehir. Takimi, në fakt është duke u luajtur dhe pjesa e parë është mbyllur me rezultatin 1-1.
Ishin, miqtë ata që kaluan të parët në avantazh, megjithatë avantazhi zgjati vetëm tre minuta pasi sulmuesi i kombëtares vendosi baraspeshën me anë të një ekzekutimi perfekt nga goditja e dënimit duke shënuar për Ankaraguxhu.
Ky ishte goli i parë për Çekiçin në elitën e futbollit turk, teksa u transferua në merkaton e kaluar nga Olipimia e Ljubjanës. Te ekipi turk, 24-vjeçari është duke u aktivizuar me vazhdimësi dhe goli i sotëm i jep edhe më shumë vlerë performancave të tij. /VipSport