Anila Velaj Kila është Kryetare e Lidhjes së Mësuesëve Shqiptarë në Greqi, por momentalisht jeton në Suedi. Ajo nuk i ka shkëputur marrëdhëniet me shqiptarët në Greqi dhe më datë 20 dhjetor të vitit që lam pas ka rinisur mësimin e gjuhës shqipe për të rritur.

Në një intervistë për emisionin “Ura” Anila Velaj tregon se sa e rëndësishme është që fëmijët të mësojnë gjuhën shqipe dhe të njohin identitetin e tyre, si dhe projektin që synon të realizojë menjëherë pas largimit të pandemisë.

“Nuk mund të mendojmë se fëmijët mund të krijojnë një identitet nëse nuk mësojnë gjumë amtare dhe nuk njihen me historinë e vendit tyre. Prindërit kanë detyrime dhe angazhime, por duhet të ndërgjegjësohen që një fëmijë mund të integrohet vetëm duke njohur identitetin. Ja them gjithmonë nxënësve që nëse nuk dimë gjuhën tonë nuk kemi cfarë t’i tregojmë të tjerëve për veten. Është e rëndësishme që të gjithë fëmijët t’i drejtohen shkollave shqipe në Diasporë, sepse janë me mijëra mësuesit që punojnë që t’i mësojnë fëmijëve shqiptarë shqipen, kulturën, historinë dhe traditat shqiptare.”

Ajo tregoi gjithashtu se prej shumë kohësh ka në mendje një projekt, por pandemia e ka penguar, por menjëherë pas pandemisë zotohet se do ta vendos në zbatim projektin me fëmijët shqiptarë në Greqi: “Pas pandemisë duam që të bëjmë një turne me fëmijët, një eksursion në Shqipëri, ku të gjithë fëmijët të marrin nga një shok, shoqe me vete me kombesi të ndryshme dhe bashkërisht të njihen me Shqipërinë. Një projekt për ta prekur më nga afër Shqipërinë”.

Lexo edhe: Greqi/ Anila Velaj Kila: Misioni për mësimin e gjuhës shqipe vazhdon