Autoriteti i Aviacionit Civil në Greqi ka njoftuar udhëtarët që duan të udhëtojnë në shtetin helen për masa të reja kufizuese. Të gjithë ata që do të udhëtojnë drejt Greqisë do të karantinohen për 7 ditë, nga tre ditë që përcaktonte rregullorja paraprake.
Deri në 21 janar të gjithë pasagjerët drejt Greqisë detyrohen të kryejnë karantinë 7 ditore. Pasagjerët nga të gjitha vendet, përfshi edhe vendet e BE-së përveç testit negativ molekular të 72 orëve të fundit dhe dokumentin PLF do të detyrohen të kryejnë karantinë të rreptë 7-ditore, përveç rasteve kur udhëtimi është më pak ditë. Edhe në këtë rast, nuk do lejohet lëvizja.
Për udhëtarët nga Shqipëria, mbetet në fuqi rregullorja e mëparshme, me fluturime vetëm në aeroportin e Athinës, por tashmë edhe me karantinë 7-ditore. Në rast se personi i testuar rezulton pozitiv karantina do të zgjasë për 14 ditë. Pika kufitare e Kapshticës do të vijoi të jetë e mbullur. Nuk ndryshon situata për transportin e mallrave, ku lejohet normalisht qarkullimi.
Lexo edhe: Greqia shtyn masat kufizuese për shtetasit shqiptarë deri më 21 Janar
Për udhëtarët nga Britania e Madhe do të ketë rapid test pa përjashtim.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
