Ministria e Brendshme njofton se të gjitha zyrat e Gjendjes Civile ku ka qendra aplikimi për karta ID dhe pasaporta, do të jenë të hapura edhe ditën e shtunë, 9 janar 2021.

Nga ky shërbim do të mund të përfitojnë edhe shtetasit shqiptarë që jetojnë jashtë vendit, por ndodhen në Shqipëri që prej festave të fundvitit, ose kanë ardhur për rinovimin e mjeteve të identifikimit në Shqipëri.

Ministria e Brendshme fton qytetarët që u ka përfunduar afati i vlefshmërisë së kartave të identitetit, të kryejnë sa më parë procedurat për rinovimin e saj.

Dy ditë më parë ambasadorja e Shteteve të Bashkuara të Amerikës, Yuri Kim u bëri thirrje shqiptarëve që u ka skaduar karta e identitetit që të pajisen me këtë dokument, në mënyrë që të votojnë në zgjedhjet e 25 prillit.

Lexo edhe: Zgjedhje 2021/Yuri Kim apel shqiptarëve:Merrni ID-të e reja që të mund të votoni

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.