Franca ka vendosur të përshpjetojë procesin e dhënies së shtetësisë për 700 kërkesat e para që kanë ardhur nga punonjësit emigrantët. Por cilat janë kategoritë dhe sa përfitojnë shqiptarët nga ky vendim i qeverisë franceze?

Në një intervistë televizive, per emisionin “Wake Up”, Anila Hyka, nënkryetare e Këshillit Koordinnues së Diasporës sqaron dhe kategoritë që përfitojnë.

“Ata që punojnë në linjën e parë gjatë periudhës së pandemisë, janë të gjithë punonjësit që kanë në fakt përveç pjesës sanitare e shëndetësore që janë mjek e infermierë që kanë punuar në spitale apo qendra mjekësore janë edhe punonjës të tjerë që nuk e kanë ndërprerë punën, ata që quhen shërbime bazë, që e kanë pasur të domosdoshme të dalin në punë qoftë dhe në periudhën e pandemisë dhe mbylljes, janë atë që kanë qenë të detyruar siç quhen ndihmës në shtëpi, domethënë, qytetarë që punojnë e ndihmojnë sidomos njerëzve që janë në nevojë dhe nuk mund ti bëjnë punët vetë. Kopshtet që ekzistojnë nuk i përballojnë të gjithë fëmijët ka dhe persona që punojnë nëpër shtëpi e mbajnë fëmijët, por dhe në rastin e mbylljes ka pasur raste që kanë qenë të detyruar të punojnë e të mbajnë fëmijët, ata që kanë shërbime të tjera pastrimi etj.

Të gjithë ata që kanë qenë në marrëdhënie pune dhe janë të ekspozuar konsiderohen punonjës të ekspozuar në linjën e parë dhe kanë të drejtën e vaksinimit. Në rastin konkret të këtij vendimi bëhet fjalë për ata punonjës që kanë një profesion të tillë që kanë një leje qëndrimi apo pune të rregullt… në raste të tjera ata do të duhet të plotësojnë minimumi 4-5 vite”, shpjegon znj. Hyka.

Bëhet fjalë për shtetas të huaj që konsiderohen se janë të mirëintegruar dhe që e flasin mirë frëngjishten. Por shqiptarët në Francë nuk dihen shifrat e sakta, dhe znj. Hyka thotë se ka shqiptarë që kanë natyralizimin, ka që kanë ardhur vitet e fundit dhe që janë integruar, ka shqiptarë që ndoshta janë dhe në kërkesë për leje qëndrim. “Pra ka disa kategori. Këtë lloj satistike është vështirë ta kesh, po ajo që kemi bërë të ndjeshëm është se meqë ky është një informacion i rëndësishëm që mund t’i vlejë dhe shqiptarëve që janë në situata të tilla ua kemi shpërndarë, kemi biseduar me shoqata të ndryshme që të përfitojnë sa më shumë të munden”, tha Hyka.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.