Shtetasit shqiptarë të Kosovës që jetojnë jashtë shtetit pavarësisht pandemisë COVID-19, kanë vazhduar të dërgojnë para në Kosovë.

Të dhënat e Bankës Qendrore të Kosovës për muajin nëntor 2020, tregojnë se Diaspora ka dërguar rreth 14 milionë euro më shumë sesa muaji i njëjtë i vitit të kaluar, shkruan Telegrafi.

Për këtë muaj, në Kosovë u sollën 87.2 milionë euro, kurse një vit më herët kjo vlerë ishte 72.4 milionë euro.

Duke krahasuar periudhën dhjetë mujore të vitit aktual me atë paraprak, del se mërgata në drejtim të Kosovës ka dërguar 104.2 milionë euro më shumë, apo në total 883.3 milionë euro.

Gjermania është shteti nga ku dërgohen më shumë para në drejtim të Kosovës.

Në tremujorin e tretë të vitit 2020, rezulton se nga Gjermania kanë ardhur 40.8 për qind e dërgesave, ndjekur nga Zvicra me 24.4 për qind dhe Shtetet e Bashkuara të Amerikës me 6.2 për qind.

Për këtë periudhë, rritja e remitencave është për 18.1 për qind më e madhe se në vitin paraprak.

BQK thotë se, rritja e dërgesave është dyfishuar gjatë gjithë periudhës së pandemisë, me përjashtim të muajit mars 2020 dhe prill 2020 kur shënoi rënie.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.