Ambasada shqiptare në Greqi ka njoftuar pezullimin e përkohshëm të shërbimeve në zyrat e aplikimit, shpërndarjes së kartave të identitetit dhe pasaportave biometrike.

Në postim në Facebook, ambasada njofton se ky pezullim i përkohshëm i aplikimeve bëhet për shkak se kompania koncesionare do të kryejë mirëmbajtjen vjetore dhe inventarin. Dita e fundit që qytetarët mund të aplikonin ishte e mërkura, 30 dhjetor 2020 për të rifillur sërish shërbimin më datë 5 janar 2021.

“Të nderuar qytetarë! Në bazë të njoftimit të Ministrisë së Brendshme të Republikës së Shqipërisë, ju informojmë se: Ζyrat e aplikimit dhe shpërndarjes të kartave të identitetit dhe pasaportave biometrike, nuk do të ofrojnë shërbim. Ky pezullim i përkohshëm i aplikimeve bëhet për shkak se kompania koncesionare do të kryejë mirëmbajtjen vjetore dhe inventarin. Për shkak të festave të ndërrimit të viteve, shërbimi do të rifillojë të martën, më 5 janar 2021. Duke ju falenderuar për mirëkuptimin, ju urojmë vit i mbarë 2021!”, shkruan ambasada.