Në numrin e fundit të revistës letrare “To Dentro” në Greqi disa faqe janë dedikuar librit të autorit shqiptar, Ylli Demneri. Kjo revistë ka një histori të gjatë në letërsinë greke, pasi botohet që prej vitit 1978.
Pjesë nga libri “Më kujtohet” ( Θυμάμαι, Πληθώρα 2020), i Ylli Demnerit janë publikuar në numrin e fundit përkthyer nga Eleana Ziakou.
“Falenderoj Costas Mavroudis dhe Tasos Goudelis (Τάσος Γουδέλης), botuesit e revistës, personalitete të njohur në fushën e letërsisë greke, për vlerësimin dhe “mikpritjen” që i bënë librit tim duke i ofruar një vend mes faqeve të revistës së tyre të krijuar në vitin 1978. Ishte si një dhuratë e bukur në këtë prag festash”, shkruar shkrimtari Ylli Demneri.
