Jo vetëm Italinë, këto Krishtlindje kanë gjetur gjithë Evropën në kushte të pazakonta.
Gazetari Genc Burimi në Francë u shpreh për “Euronews Albania” se këto Krishtlindje ishin të pazakonta edhe në këtë shtet.
“Është një periudhë Krishtlindjes e pazakontë, se kishim njohur më parë. Francezët e kaluan në shtëpitë e tyre pa dalë shumë, të kufizuar më 6 veta në tryeza, aq sa rekomandohet nga ligji, ndonëse personalisht ishim pak më tepër. Ishin Krishtlindje fare fare të veçanta”, u shpreh zoti Burimi.
Gazetari tregoi më tej se procesi i vaksinimit në Francë nis të dielën. “Në Francë procesi do të nisë ditën e dielën sepse autorizimi për vaksinën Pfizer u dha vetëm dje nga autoriteti i lartë francez. Në Francë ka shumë skepticizëm për këtë”, theksoi ai.
Sipas gazetarit autoritet franceze po e bëjnë marrjen e vaksinës të detyrueshme në mënyrë indirekte. “Vaksinën po e bëjnë të detyrueshme në mënyrë indirekte”, tha ai.