Një program me fokus kulturën dhe traditat shqiptare do të nis më datë 26 dhjetor në orën 19:00.

Me moton “TOK për kulturën tonë”, bëhet realitet një ide që lindi gjatë ditëve të konferencës se organizuar nga Germin “Diaspora Flet 2020” nga një grup shoqatash dhe oganizatash shqiptare që veprojnë jashtë vendit.

“Duam të ju prezentojmë hapat e parë në realizimin e një ideje që lindi para disa javësh. “K” nga Vjena, “AJO” nga Londra, “Marrja Zezë” nga Berlini, “URACult” nga Kölni dhe “Brezi Ynë” nga Zyrihu, u takuam në një panel diskutimi për kulturën në kuadër të konferencës “Diaspora Flet 2020”. Aty kuptuam se kemi shumëçka të përbashkët dhe shpejt lindi ideja që jo vetëm ta vazhdojmë diskutimin pas kësaj conference, por edhe të fillojmë të bashkëpunojmë. Grupit tonë, ju bashkuan edhe ODA nga Hamburgu dhe Germin nga Prishtina/Tirana dhe kështu lindi TOK”, shprehen organizatorët e kësaj nisme.

TOK është një iniciativë që synon ta prezentoj artin dhe kulturën shqiptare anembanë botës. Kjo iniciativë një ditë do të jetë një platformë kulturore ndërkombëtare. TOK me shoqata, artistë, profesionistë, aktivistë, vullnetarë e të gjithë ata që e duan artin dhe kulturën tonë , do të bëjnë më shumë për të.

Rrugëtimi i parë muzikor e letrar do të jetë virtual dhe do të sjell kulturen tone në Tiranë, Zyrih, Vjenë, Köln, Horën e Arbëreshëve, Hamburg, Londër, Berlin e Prishtinë. Në të ardhmen ky udhëtim do të vazhdoj, në Tetovë, Stockholm, Neë York, Ankara, Ulqin, Toronto, Shkodër, Romë, Zagreb, Athinë e Prizren e kudo ku ka shqiptarë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.