Erida Zarka është një aktiviste për të drejtat e njeriut në Hamburg të Gjermanisë.
Erida Zarka nga Fieri emigroi në fillim në Greqi, e më pas drejt Gjermanisë. Arsimin e lartë e ka kryer në Shqipëri për Shkenca Politike dhe tregon se gjithmonë i kanë pëlqyer aktivitetet dhe puna me njerëz.
“Unë e ndieja që thirrja ime ishte të punoja me njerëzit dhe ndihem e plotësuar me punën që bëj”, tregon ajo në një intervistë në RTVAlbSe.
“Që e vogël më pëlqente të isha aktive në shoqëri dhe kam qenë organizatore në shumë projekte, kam qenë pjesë e organizatave të grave edhe në qytetin tim në Fier.”
Ajo tregon rrugëtimin e sajnga Greqia në Gjermani “Kam jetuar për një periudhë të shkurtër në Greqi, edhe u angazhova në organizime me gratë dhe u bëra pjesë në mënyrë vullnetare në nisma të ndryshme, sepse për mua nismat vullnetare janë shumë të rëndësishme. Më pas angazhimet në Gjermani janë të shumta dhe shpesh dita bëhet shumë e gjatë, por ja kam dalë. Unë merrem me edukimin e fëmijëve të brezit parashkollorë në Hamburg dhe projekti momental “Korona dhe fëmija im” është një projekt nga Ministria e Arsimit në Hamburg, pjesë e projektit janë 13 gjuhë në total dhe unë jam përgjegjëse për gjuhën shqipe, projekti bëhet një herë në javë me takim online me prindërit, cdo pyetje bëhet në gjuhën shqipe nga prindërit dhe ne kemi për detyrë të japim përgjigje të argumentuara.”
Në Hamburg Erida Zarka punon në një kopësht ku ka fëmijë nga e gjithë bota dhe një pjesë e madhe janë shqiptarë. “Institucioni ku punoj është shumë i rrallë, sepse përfshihen të gjithë fëmijët nga cdo vend i botës, punojmë me një koncept të hapur. Fëmijët që në moshë të vogël kanë të drejtë të bëjnë zgjedhjet e tyre dhe të ndahen në grupe sipas dhuntive që fëmijët shfaqin. Këtu në Hamburg vendet janë të hapur për të gjithë fëmijët dhe të gjithë konsiderohen të barabartë. Në kopshtin tonë vetëm 5 % e fëmijë i kanë të dy prindërit gjerman dhe gjithashtu një pjesë e madhe e tyre janë shqiptarë.
Një ndër planet e afërta së bashku me kolegë është të realizojnë një project mbi prindërimin. “Projekte bashkëpunuese mes prindërve dhe persona specialist në fushën e edukimit të fëmijëve. Kemi në plan të realziojmë një project ku të përfshihen prindërit shqiptarë në mënyrë që të kemi një prindërim sa më të mirë. Unë kur mësoi sot shumë gjëra dhe me vete se nëse do i kisha ditur këto gjëra do kisha qenë një nënë edhe më e mire për dy fëmijët e mi. Unë mendoj se fëmijët duhet ti mësojmë gjërat positive të jetës, dhe sigurisht se sit ë përballohen me gjërat negative, por një njeriu me shkallë të lart pozitiviteti arrin të gjej një zgjedhje në momentin kur ka vështirësi”.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
