Shkollat shqipe në Diasporë janë një urë e rëndësishme e lidhjes së brezit të ri me shtetin amë. Në komunitetin shqiptar në Zvicër janë gjithsej të hapura 43 shkolla shqipe, me gjithsej 648 nxënës.

Në kuadër të shkollës shqipe atje janë të angazhuar 15 mësues aktivë ku koordinator është dr. Vaxhid Sejdiu.

Mësimi zhvillohet në 6 kantone të Zvicrës dhe shumë shpejt pritet që mësimi të filloj edhe në 3 kantone të tjera.

Shkolla Shqipe në Zvicër filloi mësimin dhe në Grenchen të Kantonit të Solothurnit. Në hapjen e shkollës shqipe prezantoi edhe koordinatori i Shkollave Shqipe në Zvicër, Vaxhid Sejdiu, i cili iu uroi nxënësve një vit të mbarë shkollor, kurse prindërit i falënderoi për bashkëpunimin dhe angazhimin për hapjen e shkollës shqipe.

Vatrat e arsimit dhe kulturës shqiptare janë duke u përhapur kudo në Zvicër dhe gjithnjë e më shumë ka mbështetjen e përkrahjen e institucioneve arsimore në Shqipëri, ambasadave të Shqipërisë dhe Kosovës në Zvicër.