Studime të dy fushave në kahe të ndryshme, mes shkencave ekzakte dhe shoqërore Doruntina Berisha ia ka dalë më së miri të përdorë kombinimin e e fizikës dhe juridikut në kohë pandemie.
Pikërisht kur e gjithë bota u mbyll Doruntina krijoi platformën online “Udhëzues për të mbijetuar”. Ky udhëzues i dha asaj dhe një çmim të rëndësishëm për të cilën ndjehet krenare. Universiteti i Vjenës ka shpërndarë përshkrimin e Doruntinës për studimet dhe idetë që ndan. “Duket mjaft e lezetshme, apo jo”, shkruan shqiptarja që studion për juridik dhe fizikë në këtë universitet.
Doruntina Berisha ka lindur në Vjenë, por ruan lidhjet e saj me Shqipërinë dhe Kosovën. Pavarësisht se lindur dhe rritur në një shtet tjetër Doruntina flet shumë mirë gjuhën amtare.
SHKRIMI I DORUNTINES
Studimet e mia të dyfishta më mësuan t’u qasesha problemeve nga një perspektivë ndërdisiplinore, të përdorja metoda jokonvencionale dhe të mendoja jashtë kornizave. Vendosa të studioja fizikë sepse isha tashmë e magjepsur nga bota e fizikës kur isha në shkollë. Doja nga ana tjetër të gëzoja një arsimim sa më të gjerë të mundshëm, prandaj dhe jam regjistruar në studime juridike, ku kam mësuar konceptet e shtetit dhe të ligjit, por më e rëndësishmja: të menduarit kritik shoqëror.
Kur isha duke studiuar si pjesë e një shkëmbimi në universiteti Santa Clara në Kaliforni (SHBA), unë bashkova të dyja studimet për herë të parë dhe u specializova në fushën e ndërfaqes mes fizikës dhe ligjit: Ligji i internetit, i teknologjisë, i patentave dhe përdorimi i inteligjencës artificale për mbrojtje mjedisi.
Që nga viti 2017 kam punuar si asistente studimi në Institin e Inovacionit dhe digitizimit në Drejtësi- për mua një fushë ku përqëndrohem më shumë në tema ndërdisiplinore si ligji i mbrojtjes së të dhënave, media sociale, teknologjinë juridike dhe mësimin dixhital.
Në mars të 2020, brenda 24 orëve nga mbyllja e papritur e universiteteve unë krijova platformën online “Udhëzues për mbijetesën” (Survival Guide) bashkë me kolegët e mi.Platforma u drejtohet mësuesve dhe ofron këshilla për mësimdhënien në distancë, në formën e teksteve, transmetimeve televizive dhe video të bëra vetë. Pas një kohe të shkurtër kishim më shumë se 250 mësues në bord, e pas një muaji ndamë platformën me fakultete të tjera në Universitetin e Vjenës dhe universitetet jashtë vendit.
Pë këtë udhëzues tani jam vlerësuar me “European Woman of Legal Tech Award 2020″ në kategorinë Academia- natyrisht kjo më bën shumë krenare”
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
