Në botën e digjitalizimit në rrjete social kemi parë mjaft “influencers” që kanë treguar se si të transformojnë këto rrjete në karrierë të suksesshme thjesht duke ndjekur pasionin dhe duke krijuar një markë personale.

Flasim këtu për “influencer” në fusha të ndryshme që nga udhëtimi, ushqimi apo moda. E përsa i përket kësaj të fundit këta persona janë bërë forca kryesore lëvizëse për të gjitha trendet. Një prej tyre është edhe shqiptarja Monika Peja e cila krijon pamje të mrekullueshme me stilin e saj.

Monika Peja, me origjinë nga Prishtina tashmë jeton në Francë ku dhe ndjek studimet për drejtësi me ëndrrën e saj për të pasur një karrierë si grua e pavarur.

Përveç studimeve Monika është një përkthyese per gjuhët anglisht, frëngjisht, shqip dhe spanjisht. Përsa i përket pjesës së “influencer” ajo është një modele tashmë dhe bën që njerëzit të kthejnë kokën me shijen e saj të modës.

Në një shkrim për të “International Business Time” shkruan se postimet e saj marrin me qindra pëlqime e frymëzon miliona ndjekës. Që nga veshjet e thjeshta tek ato me ngjyra apo edhe më të guximshme prej të cilave duket se bukuroshja nuk heq dorë.

Pikërisht për shkak të personalitetit të saj Monika ka tërhequr vëmendjen e markave të ndryshme të mëdha për mbështetje dhe fushata marketingu duke u bërë kështu një sukses i madh në internet. Deri më sot ajo ka udhëtuar në vende të ndryshme si Londër, Kaliforni, Spanjë, Itali, Paris, Gjermani etj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.