“Cafe Chocolat” është sipërmarrja e shqiptarit Gjergj Dollani në Amerikë, i cili prej disa vitesh po tregon aftësitë e tij në fushën e sipërmarrjes, duke sjellë diçka të re që ka munguar në tregun amerikan. Dhe këtë aftësi të pasqyruar më së miri në biznesin e tij, ai ka vendosur ta ndajë edhe me të tjerët, duke krijuar kështu disa video-audio në formë leksionesh ku shpërndan njohuri të ndryshme personale dhe jo vetëm në lidhje me menaxhimin e një biznesi.

Deri më tani Gjergj Dollani ka shpërndarë 5 episode me tema të ndryshme rreth ngritjes dhe zhvillimit të një biznesi.

Episodet e tij të trajnimit i gjeni dhe në play store/app store.

Në Episodin e 5-të me temë “Fillimi (dhe drejtimi) i biznesit tuaj të vogël” sipërmarrësi shqiptar ka intervistuar dy ish-punonjës: Derek dhe Gabriel i cili kishte përvojë të kufizuar si barist kur ka filluar punën.

“Në këtë bisedë të sinqertë në lidhje me kulturën e punës, inovacionin, besimin, truket e çmimeve, po ju japim një përmbledhje se ku kemi arritur dhe ku kemi dështuar”, shkruan Gjergj Dollani në rrjetet sociale.

Suksesi i Gjergj Dollanit në menaxhimin e “Cafe Chocolat”

Kur flasim për çokollata, ata më të çmendurit pas tyre mendojnë menjëherë Belgjikën, Zvicrën, Austrinë etj. Amerika as që nuk është në listë. Po Gjergji mendon ndryshe. Ai ka zbuluar dhe po nxjerr në tregun konkurrues prodhime artizanale që mund të bëjnë histori. Kafeneja, në fakt, një gërshetim i çokollatave dhe espresso bar. Gjergji shpreh se “Cafe Chocolat” është një koncept eksperiencial që sjell për qytetarët në Washington disa nga çokollatat e kafetë më ekskluzive. Gjergji zgjodhi pikërisht zonën pranë Shtëpisë së Bardhë, aty ka një përqëndrim të lartë institucionesh ndërkombëtar dhe një koncept i tillë thith klientë që kërkojnë eksperiencë dhe që kanë udhëtuar në vende të ndryshme e kanë një farë familjariteti me zonat ku prodhohet kakao apo kafeja.Ai pret që adhuruesit e kafes dhe çokollatave të kërkojnë një “blend” Etiopian nga zona e Yirgacheffe, pasi kjo kafe ka një kombinim shijesh autentike me nota limoni, vanilje e pjeshkë. Ndërsa për çokollatat, Hispaniola nga artizanet amerikane Fruition, me qënder në Upsate NY, e prodhuar ekskluzivisht me fara kakao nga Republika Domenikane.  Kjo çokollatë spikatet për shijet acidike të ngjashme me ato të manaferrës e frutave të pyllit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.