Doktor Omer Xhemali është një ndër emrat që përfaqëson më së miri Shqipëtarët në botë. Omer Xhemali një vit më parë u shpall në mesin e 100 personaliteteve më të shquara në  Zvicërn, ku më pas mori titullin shef i repartit të kardiokirurgjisë.

Doktor Xhemali është shef i kirurgjisë së zemrës (kardiokirurgjisë) në spitalin “Triemli” të qytetit të Zyrihut. Pas mbarimit të fakultetit të mjekësisë dhe specializimit, doktoraturës dhe punës disavjeçare si specialist në Gjermani, ai ka më shumë se dhjetë vite që jeton dhe punon në Zvicër, në Zyrih.

Në klinikën që drejton po edhe më gjerë,  kardiokirurgu i lindur në Tetovë është një emër i njohur dhe i respektuar për zotërimin në shkallë të lartë të profesionit, por edhe për afërsinë e tij njerëzore me pacientët dhe kolegët.

Në një video që kanë shpërndarë spitalet e Cyrihut “Triemli” dhe “Waid Spital” prezantohet një ditë pune e doktor Xhemalit. Në video tregohet organizimi i punës gjatë një operacioni në zemër, menaxhimin e ekipit të mjekëve dhe ndihmësve, atmosferën miqësore që mbizotëron në këtë ekip dhe në fund, kurorëzimin me sukses të operacionit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.