Dora Alihajdaraj nxënëse e klasës 4-të e mësimit plotësues të gjuhës shqipe, mori sot “Çmimin e Ambasadorit” nga ambasadori Roland Bimo në Ambasadën e Republikës së Shqipërisë në Vjenë.
Çmimi i është dhënë në prani të stafit të ambasadës, prindërve të saj dhe mësueses. Dora ishte pjesëmarrëse dhe njëherazi fituese në aktivitetin “Lexuesi i vitit” që ishte i bashkorganizuar nga Ambasada e Shqipërisë dhe Shkolla e mësimit shqip “Naimi Frashëri” në Austri.
Ambasadori Bimo uroi nxënësen dhe shoqatën për punën dhe aktivitetet e pandalura edhe në situatën aktuale të pandemisë.
