Konsullja e përgjithshme e Shqipërisë në Stamboll, Blerta Kadzadej priti në konsullatë përfaqësues të komunitetit shqiptar.
Duke respektuar edhe masat paraprake të COVID-19 pjesë e përfaqësuesve ishin edhe fëmijët shqiptarë, brezi i ri që ka lindur në Turqi e të cilëve ju dhuruan Abetare dhe libra në gjuhën shqipe.
Këto tekste u siguruan falas nga Qendra e Botimeve për Diasporën. Për vitin shkollor 2020-2021, Qendra e Botimeve për Diasporën dërgoi në Turqi 282 tekste mësimore dhe plotësuese.
Përfaqësuesit e komunitetit shqiptar Bora Zukali, kryetar i Vatra në Stamboll, si dhe Atakan Raday, Linda Güler, Hasip Gültaş falënderuan për mikpritjen konsullen dhe stafin.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.