Analistët e risive teknologjike parashikojnë se deri në vitin 2030 pothuajse të gjitha fushat e jetës do të jenë të dominuara nga pajisjet inteligjente.
E si e tillë është e drejtë që kompanitë që ofrojnë këto shërbime smart të përpiqen të zgjerojnë biznesin e tyre në shumë tregje globale.
Makinat moderne tashmë kanë sistemin Google Android Auto dhe prodhuesit po përpiqen që këtë teknologji ta përhapin në tregje në të gjithë botën.
Google tashmë do të bëjë të disponueshëm Android Auto në 36 vende të tjera dhe lajmi i mirë është se këtu përfshihet dhe Shqipëria. Këto vende janë kryesisht nga Evropa Lindore, Azia Juglindore dhe një pjesë e vogël e vendeve në Afrikë.
Krahas Shqipërisë në këtë listë janë Suedia, Danimarka, Norvegjia, Hollanda, Belgjika, Polonia, Portugalia, Bullgaria, Kroacia, Qiproja, Republika Çeke, Estonia, Finlanda, Greqia, Hungaria, Islanda, Letonia, Luksemburgu, Lituania, Maqedonia, Malta, Moldavia, Rumania, Serbia, Sllovakia, Sllovenia, Shqipëria, Armenia, Bjellorusia, Bosnja dhe Hercegovina dhe Ukraina. Në Azi janë Turqi, Tajlandë, Indonezi dhe në Afrikë është Angola dhe Botsvana.
Kompania po dyfishon numrin e vendeve në botë ku klientët mund të hyjnë në Android Auto. Ndërkaq raportet thonë se Google po punon me prodhuesit e automjeteve për të prodhuar më shumë makina me Android Auto.
