Ka nisur sot Konferenca mjekësore ndërkombëtare multi-disiplinare e cila do të vijoi për tri ditë, 4-5-6 dhjetor 2020.
Kjo konferencë është një bashkëpunim i Shoqatës së Mjekëve Shqiptarë në Gjermani me ACMS (Albanian Committee of Medical Students) dhe Shoqatën Mjekësore Shqiptare në Mbretërinë e Bashkuar.
Në këtë konferencë do të ketë referues nga shtete të ndryshme të botës: Gjermania, Anglia, Australia, Kina, Shqipëria, Kosova, Maqedonia, India, Turqia, Italia, Zvicra dhe Shtetet e Bashkuara të Amerikës.
Sot në konferencë referuan temat e tyre: Doktoreshë Edlira Horjeti, Dr. Anida Hanxhiu, Sidney, Australia, Dr.Krisid Boshku, mjek specialist për mjekësi interne, Dr. Angjelina Karamani, Dr. Blerina Bevapi etj..
Një hapësirë kohe ju kushtuar një video homazhi për të gjithë mjekët dhe infermierët shqiptarë që kanë humbur jetën në luftën e tyre kundër pandemisë Globale Covid-19!
Gjithashtu fjalën e tij përshëndetëse e mbajti dhe Nazmi Jakurti , kryetarë i “Lidhja Shqiptare në Botë”.
Në konferencë do të jenë prezent rreth 34 lektorë dhe 40 referime, duke nisur nga kirurgjia e përgjithshme, plastike e kirurgjia ortopedike, kardiologjia invazive dhe kardiokirurgjia, mjekësia interne, endokrinologjia, psikiatria, politika dhe menaxhimi shëndetësor, si edhe epidemiologjia, veçanërisht në kontekstin e pandemisë.
Qëllimi i përbashkët dhe frymëzimi kryesor i konferencvs është të ofrojë një të ardhme më të mirë për mjekët dhe shëndetësinë shqiptare. Me edicionin e parë të Konferencës Mjekësore Ndërkombëtare Multidisiplinare, studentët e mjekësisë dhe mjekët shqiptarë brenda e jashtë vendit ngrenë siparin e një projekti emocionues, por edhe për shumë nisma të tjera.
