Kozeta Izeti jeton në Kanada prej vitit 2000 dhe prej 11 vitesh ka një sallon bukurie dhe SPA të sajën.
Duke folur për mediat kanadeze Kozeta thotë se ishte duke pritur një dhjetor të ngarkuar me punë, derisa mësoi se bizneset në Toronto do të bllokoheshin.
“Isha me lot në sy”, rrëfen pronarja e Kozeta Salon & SPA në Eglinton Avenue Vest. Mendimi i saj i parë ishte: Po tani?
Sezoni i festave është normalisht një nga periudhat më të ngarkuara të vitit shkruan media kanadeze dhe Izeti shpresonte të rikuperonte fitimet e humbura këtë vit, sidomos gjatë bllokimit fillestar të COVID-19 në pranverë.
“Kurrë nuk kam qenë kaq keq në jetën time. Ndihem sikur jam në një tunel të errët..kur do të shohë ditën për të dalë”, rrëfen Kozeta. Shumë nga stafi i saj janë të porsaardhur në Kanada dhe ajo është e shqetësuar për ta.
Pandemia e COVID-19 ka sjellë mjaft vështirësi ekonomike në të gjithë botën.
