Portali lokal “Silive.com” në Staten Island, New York i ka kushtuar një shkrim flamujve kuq e zi që u vendosën në disa nga rrugët kryesore të New York-ut për të festuar festën e Pavarësisë.
Staten Island, New York – Nëse jeni duke udhëtuar në Bulevardin “Hylan” nga “Dongan Hill”s” në “New Dorp”, me siguri keni parë disa grupe flamujsh të varur në shtyllat anë rrugës.
Flamujt e kuq me një shqiponjë të zezë dykrenare po valëviten me krenari krahas banderolës sonë me yje, për nder të Ditës së Pavarësisë së Shqipërisë.
Dita e Pavarësisë Shqiptare, e cila mbahet më 28 Nëntor, përkujton revoltën e vendit nga Perandoria Osmane në vitin 1912. Ngjarja shënon krijimin e shtetit parë parlamentar shqiptar.
“Gjëja për të cilën shqiptarët janë më krenarë përveç se janë shqiptarë është të qenit qytetarë amerikanë,” tha Marko Kepi, një nga kandidatët këtë vit në zgjedhjet për asamble. “Ne e duam këtë vend dhe nuk kemi asnjë aleat më të madh. Ne jemi krenarë që “Staten Island” e quajmë shtëpinë tonë! Shumë prej nesh si unë kanë nderin të shërbejnë dhe mbrojnë gjithashtu këtë vend të madh të quajtur Amerikë”, shprehej Mario Kepi.
Qyteti ka lejuar komunitetin shqiptar në “Staten Island” për të vendosur në Bulevardin Hylan prej disa vitesh dhe flamujt kuq e zi që shpesh kanë tërhequr interes dhe kuriozitet nga kalimtarët.
Ata u vendosën nga OJQ-ja “Rrënjët Shqiptare”, “Shoqata e Komunitetit DIBRA”, “Shoqata e Komunitetit Kraja” dhe “Shoqata e Komunitetit Ana Malit” dhe të sponsorizuar nga Familja Qoku, sipas Mario Kepit.
Këtë vit kthimi i flamujve vjen pas një ngjarje tragjike në 2019-ën gjatë javës së Pavarësisë së Shqipërisë, një tërmet me madhësi 6.4 që goditi Shqipërinë vetëm dy ditë para festës së pavarësisë.
Sipas shqiptarit Mario Kepi, ngjarja e planifikuar për ngritjen e flamurit në festën e pavarësisë në vitin 2019 në “South Beach” u anulua dhe nisma u shndërrua në veshje dhe donacione ushqimore për viktimat e tërmetit dhe komuniteti shqiptaro-amerikan mblodhi 1.6 milion dollarë për të mbështetur të prekurit nga tërmeti. Ishte tërmeti më i fortë që ka goditur Shqipërinë në 40 vjet.
