Revista prestigjioze “Forbes” ka renditur shqiptaro-amerikanin Premtim Gjonbalaj në listën e saj “30 Under 30” për vitin 2021. Bëhet fjalë për 30 të rinj që kanë arritur suksesin në fushën e biznesit dhe industrisë ende pa mbushur 30 vjeç.

Premtimi ka lindur në Brooklyn dhe është në listë për idenë e tij gjeniale në industrinë ushqimore. Ai ka kompaninë “Butler Hospitality” kuzhina e disa prej hoteleve të famshme të New York-ut.

Lexo edhe –  Shqiptari ndihmon me ushqime falas ekipet në vijën e parë kundër COVID-19

“Imagjinoni një hotel me 150 dhoma, me staf të plotë, shtatë ditë në javë, tre turne në ditë, që shet një produkt që mund të kalbet e skadojë shumë shpejt”, ka shpjeguar ai më herët për revistën Forbes.

Premtimit i lindi ideja gjatë kohës që ishte menaxher i një restoranti dhe në vitin 2015 krijoi këtë platformë që ofronte kërkesë shërbim dhome dhe oferta të ndryshme e quajtur si një “kuzhinë fantazmë”.

Si veprohet? Kuzhinat e hoteleve “flenë gjumë” nëse nuk ka kërkesë për ushqim dhome, apo mëngjese masive, dreka e darka. Kështu që nuk humbasin para. Mirëpo, në letër hotelet ofrojnë ushqime nga më të mirat. Nëse vërtet ka klientë që kërkojnë të ushqehen në hotele atëherë lajmërohet Butler Hospitality. Ata vijnë marrin në dorë kuzhinën e restorantin e hotelit, sjellin gjithçka që duhet, me një ekip talentesh, dhe gatuajnë gjithçka me nivelin e yjeve të hotelit që i thërret.

Suksesi ishte aq i madh saqë kompania e tij, në raportin e fundit, kishte vlerën 85 milionë dollarë sipas revistës “Forbes”.

Lexo edhe – Shqiptari i suksesshëm në SHBA / Dyfishon stafin në kohë pandemie

Premtimi është djalë i shqiptarëve nga Mali i Zi, të cilt u vendosën në New York në fillim të viteve 1990. Revista “Forbes” shkruan se ai u rrit në kuzhina restorantesh, ku punonte pa u lodhur babai i tij përpara se të hapte restorantin e tij, ku Premtimi punonte si pjatalarës, si shërbyes, si shpërndarës ushqimi, e më në fund, si menaxher.