Historia e basketbollistit shqiptar në Itali, Klaudio Ndoja ka tërhequr vëmendjen e regjisorit italian Giuseppe Marco Albano.
Bëhet fjalë për historinë e një djali 13 vjeçar që kishte ëndrrat e tij para se të braktiste Shqipërinë në kohën e luftës civile. Një histori e një ylli basketbollist që duket sikur ka dalë nga dora e shkrimtarit Francis Scott Fitzgerald, por vjen me regji nga Giuseppe Marco Albano, shkruhet në rrjetet sociale italiane.
“Nuk bëhet fjalë vetëm për një basketbollist, por gjithashtu trajtohet historia e një djali që iku me një anije në itali në moshën 13 vjeçare. Ishte viti 1998, por ai fëmijë ende jeton në mua, në njeriun që jam sot”, tregon vetë Klaudio Ndoja.
Ky film i shkurtër tregon për rrugëtimin e vështirë të Klaudio Ndoja nga Shqipëria në Itali e sjell nga Giuseppe Marco Albano. Nga një Shqipëri në luftë civile, përmes trafikantëve të qenieve njerëzore, armëve dhe drogës, e deri tek shndërrimi në një yll të basketbollit në Itali. Historia e Klaudios do të transmetohet në tri episode në “TheAnsware”.
