Ministri i Brendshëm Sandër Lleshaj ka bërë të ditur se do të hapen dhe gjashtë zyra të reja aplikimi për dokumentet biometrike jashtë vendit.

Lexo edhe- Dokumentet biometrike, hapen 6 zyra të reja në shtetet evropiane për aplikim

Bëhet fjalë për zyrat pranë Konsullatës në Bari, Itali, si dhe Ambasadave Shqiptare në Vjenë, Austri, në Paris, Francë, në Berlin, Gjermani, në Stokholm, Suedi dhe në Stamboll, Turqi, ftoi qytetarët shqiptarë që jetojnë jashtë, të bëhen pjesë e procesit të regjistrimit të adresës së tyre në vendet ku banojnë.

“Ndërkohë gjej rastin të theksoj se ne po zgjerojmë shërbimet edhe për qytetarët që janë jashtë vendit. Kemi hapur një numër të madh zyrash aplikimi pranë konsullatave tona në shumë vende ku nuk i kemi patur. Janë 6 zyra të reja të hapura. Në të njëjtën kohë gjej rastin të ftoj të gjithë bashkë-atdhetarët tanë të bëhen pjesë e procesit të regjistrimit të adresës së tyre në vendet ku banojnë, në mënyrë që të bëhen përfitues të shërbimeve të ndryshme në Shqipëri, ku edhe e drejta e votimit do të jetë njëra prej tyre”, tha Lleshaj.

Ai theksoi gjithashtu se ID karta do të jetë dokumenti për identifikimin e zgjedhësve në procesin e 25 Prillit 2021. Këto deklarata ai i bëri gjatë një inspektimni në Tiranë, në njësinë administrative nr. 6 në Kombinat.

Ministri Lleshaj pa nga afër procesin e aplikimit dhe apeloi gjithë qytetarët që u skadojnë ID kartat, të nxitojnë t’i rinovojnë, për të patur mundësi të marrin shërbime në vijim.

Ai theksoi gjithashtu se ID karta do të jetë dokumenti për identifikimin e zgjedhësve në procesin e 25 Prillit 2021.