Shumë fëmijë shqiptarë të lindur në Shtetet e Bashkuara të Amerikës të apasionuar pas futbollit po trajnohen nga ish-kapiteni i Kombëtares Ansi Agolli.

Kur i pyet kupton se të gjithë këta fëmijë kanë një futbollist që i frymëzon: “Lojtari im i preferuar është Robert Lewandowski”. “Lojtari im i preferuar Lionel Messi”. “Lojtari im i preferuar Ronaldinho”, tregojnë fëmijët, pjesa më e madhe e të cilëve janë shqiptarë.

Ansi Agolli, sot është lojtar me New York Cosmos dhe bashkë me bashkëlojtarin e tij Bledi Bardhi trajnojnë fëmijët. Ansi dhe Bledi po përpiqen të japin nga përvoja e tyre disa herë në javë në këtë fushë.

“Këto fëmijë të marrin sa më shumë nga eksperienca jonë që të jeni gati për nesër”, tregojnë futbollistët Agolli dhe Bardhi.

Këta fëmija kanë pasur një shtysë për këtë zgjedhje që nesër mund ta kenë një profesion. “Zgjodha të luaj futboll, pasi më pëlqen të vrapoj, pastaj jam rritur në një familje që e pëlqen futbolli dhe mendoj se na bën njerëz më të mirë”.

“Zgjodha të merrem me futboll, pasi babai im ka luajtur për 20 vite dhe i pëlqen të luaj dhe unë”.

Përvojën e tij gjatë një seancë e përçoi edhe sulmuesi i New York City, Ismael Tajouri.

“Po bëjnë një punë të mirë me këta fëmijë me këta fëmijë që e kanë pasion futbollin dhe do të zbulojnë lojtarë të mirë për të ardhmen. Jam në këtë stërvitje që të të shikoj talentet që ndodhen këtu të flas me ta”.

Ndoshta një ditë ndonjërin nga këta vogëlushë do ta shikojmë të luajë si profesionist apo të zgjedhë të përfaqësojë Shqipërinë, duke ndjekur rrënjët e prindërve./ Tv Klan