Shqiptari Albin Hasani është një nga artistët e rinj premtues në Turqi. Ai ka studiuar për “Kinema-Radio-Televizion” dhe prej vitesh në Stamboll.

Dy vitet e fundit kantautori nga Shqipëria është ngjitur në top listat muzikore në Turqi. Së fundmi Albin Hasani ka postuar videoklipin e tij më të ri me titull “Her şeyden sıkıldım” (Jam i lodhur nga gjithçka). Edhe kjo këngë është pritur mjaft mirë duke e bërë shqiptarin mjaft të suksesshëm në rrymën alternative. Ai ka publikuar albumin e tij të parë me titull “22” dhe po punon për një album të ri, cili do të prezantohet shumë shpejt në platformat digjitale.

“Apple Music Turkey” e ka zgjedhur shqiptarin Albin Hasanin për kopertinën javore me mbishkrimin “Ylli më i ri i muzikës elektronike pop,  Albin Hasani përballet me veten në këngën e tij më te re”. Gjithashtu Albin Hasani është zgjedhur fytyra e re e listës më të pëlqyer të muzikes alternative në “Spotify”.