Nënkryetarja e bashkisë së Macerata në Itali, Francesca D’Alessandro ka zhvilluar një takim me disa anëtarë të shoqatës kulturore shqiptare “Iliria” me rastin e festës së Pavarësisë së Shqipërisë.

Takimi ishte një mundësi për t’u njohur me njëri-tjetrin dhe për të shkëmbyer ide dhe propozime për të ardhmen, në emër të miqësisë, integrimit dhe bashkëpunimit për të mirën e përbashkët.

“Komuniteti shqiptar është një komunitet i rëndësishëm në numër në qytetin e Macerata. Ka një histori që lidh praninë shqiptare me bashkinë tonë që daton që nga vitet 1400-1500. Një lidhje që do të bëhet edhe më solide në të ardhmen përmes iniciativave që synojnë rritjen e identitetit të tyre kombëtar, me qëllim integrimin reciprok”, është shprehur nënkryetarja D’Alessandro.