Aktivistët shqiptaro-amerikanë kanë themeluar Kongresin Panshqiptar Amerikan, KPA, në ditën e përvjetorit të 108-të të shpalljes së Pavarësisë.
“KPA-ja është themeluar që me përkushtim të promovojë vlerat dhe interesat e shqiptarëve dhe të amerikanëve, të përkrahë parimet demokratike dhe të mbrojë identitetin e shqiptarëve, sot dhe për brezat që vijnë”, thuhet në njoftimin zyrtar.
Kryesuar nga Bruno Ceka, veprimtar i spikatur shqiptaro-amerikan, KPA-ja ka zgjedhur Këshillin e Përkohshëm, që do të bashkërendohet dhe do të bashkëpunojë me komunitetin prej rreth një milion shqiptarësh në Shtetet e Bashkuara të Amerikës.
KPA-ja uron të gjithë shqiptarët dhe miqtë tanë në ShBA , Europë e gjetiu: Gëzofshi festën e 28 Nëntorit! Paçi shëndet e lumturi!