Fustani i dasmës së Princeshës Elia u dizenjua nga Flora Suldashi, shqiptares që jeton në Hamburg prej vitesh. Pas katër vitesh, Flora ka treguar përshtypjet e saj për të përditshmen Bunte.de.

Vështirë se mund të kesh një punë më të mirë kur je stiliste, se sa të krijosh veshjen e dasmës për një princeshë të vërtetë kurore. Por Florën pikërisht kjo ëndër u bë realitet. Me markën e saj “Flora S” stilistja ka punuar me sukses prej vitesh me Miss Germany Corporation dhe finalistet kanë veshur veshjet e saj elegante që janë ekspozuar gjithashtu shumë herë dhe në Fashion Week Berlin.

Princeshë Elia u njoh me punën e Florës dhe i ofroi asaj bashkëpunimin. “Përmes profesioneve dhe rrethit tonë të miqve, ne u njohëm dhe u kuptuam menjëherë. Princeshë Elia gjithashtu është një artiste, një aktore e apasionuar dhe luante në Teatrin e Tiranës”, rrëfen stilistja.

Media gjermane Bunte vendos një paralele të bukur se si fustani i Elia Zaharia Zogu bashkohet në një pikë me Kate Middelton. Arsyeja? Pëlhura e veshjes së dasmës së Elias erdhi nga e njëjta fabrikë si ajo e dasmës së Kate Middleton”.

“Dasma ishte planifikuar shumë mirë paraprakisht dhe natyrisht pamja e Princeshës së Kurorës ishte në plan të parë”, thotë Flora. “Ne kemi hedhur shumë mendime në hartimin e veshjes, sepse kemi dashur të pasqyrojmë stilin e veçantë dhe elegant të monarkisë në të. Veshja duhej të ishte perfekte, me elegancë mbretërore, e përshtatshme për rastin, në të njëjtën kohë e përjetshme dhe moderne dhe te reflektonte identitetin e Princeshës.

“Mjaft sfidë! Dhe diçka tjetër ishte shumë e rëndësishme gjatë hartimit të veshjes -fustanit te dasmës, të cilën nusja duhej ta vishte edhe jashtë për foto me mysafirët : “Ne zgjodhëm një material të rëndë në mënyrë që veshja të mos ngrihej rastësisht nga erëra”.

Veshja e princeshës përbëhej nga dy pjesë. Mëndafshi i pjesës së poshtme erdhi nga fabrika e Londrës, e cila tashmë kishte furnizuar materialin për fustanin e mëndafshtë paraprak ngjyrë të gjelbër qiellore, të cilin Flora e kishte krijuar për Princeshën Elia, ndërsa tani mëndafsh ngjyrë perle për fustanin e dasmës- dhe ndër të tjera edhe pëlhurat për martesën e dukeshës Kate dhe Princit ëilliam ishin nga e njëjta fabrikë. Pjesa e sipërme ishte bërë nga dantella nga Gjermania”, shkruan BUNTE.

Ky fustan tashmë ruhet në Muze dhe mbetet pasuri e historisë së Mbretërisë shqiptare.