Shoqata “Volare” në Itali organizon një takim virtual mbi çështjen e pensioneve më datë 28 nëntor në orën 18:00. “Do të bëhet marrëveshja? E drejta e pensionit”, është tema që do të diskutohet në këtë takim ku në thelb është problematika e kontributeve që derdhin shtetasit shqiptarë në Itali dhe e drejta e përfitimit të pensionit.
Në këtë takim do të jenë te pranishem Ministri i shtetit për Diasporën Pandeli Majko, Nënsekretari i Shtetit i Ministrisë së Ekonomisë dhe Financave ,Pierpaolo Baretta, Presidente e Komisionit të Punës në Senat (e zgjedhur me partinë M5S), Susy Matrisciano.
Gjithashtu do të moderojnë takimin Geri Ballo, aktiviste dhe themeluese e shoqatës “Volare” dhe Tommaso Nannicini, Senator i Partisë Demokratike, ekonomist dhe profesor në Boçoni dhe Harvard, ka depozituar këtë vit për herë të dyte një amendament Ligjit te Buxhetit për të financuar marrëveshjen e pensioneve Itali-Shqipëri, si dhe Luisa Gneçhi, Zv. Presidente INPS, do ndihmojë nga pikëpamja teknike për kontributet e derdhura nga shqiptarët.
Takime dhe diskutime mbi çështjen e pensioneve dhe kontributeve që shqiptarët kanë derdhur në Itali janë diskutuar edhe më parë nga shoqata “Volare”.
Takimi mund të ndiqet live edhe në rrjetet sociale.