Autoritetet kufitare të Malit të Zi kanë vendosur që duke nisur nga e mërkura (25 nëntor) të ketë kufizime të reja në pikat e kalimit kufitar me Shqipërinë.
Kështu është vendosur që deri në një urdhër të dytë nga ora 19:00 deri në orën 05:00 të mëngjesit të çdo dite do të ketë ndalim të plotë të qarkullimit në të gjithë territorin e Malit të Zi.
Gjithashtu bëhet e ditur se përjashtim nga ky rregull bëjnë mjetet e tonazhit të rëndë që kalojnë në kufi (kamionët), mjetet që udhëtojnë drejt aeroportit, shërbimet e urgjencës dhe mjetet ose shtetasit që kalojnë tranzit në territorin e Malit të Zi.
“Sqarojmë se shtetasit shqiptarë mund të kalojnë nëse janë të pajisur me testin serologjik, brenda orarit të përcaktuar 05:00-19:00. Duke ju falënderuar për mirëkuptimin”, thuhet në njoftim.
