Gjatë edicionit të fundit të “Festivalit të kinemasë europiane në Leçe” mori formë dhe rrjeti i ri i festivalit të kinemave të Adriatikut ku bëjnë pjesë Shqipëria, Mali i Zi dhe rajonet e Molises dhe Pulias.
Një iniciativë kjo e nisur si pjesë e projektit evropian “Circe” që synon të nxisë bashkëpunimin filmik dhe kulturor mes dy brigjeve të Adriatikut. Si president i rrjetit është zgjedhur Federico Pommier Vincelli, drejtor artistik i festivalit të Kinemasë Molise në Casacalenda.
Në bordin e drejtorëve janë zgjedhur Agron Domi, drejtor i festivalit të Tiranës, Drita Llolla, drejtoreshë e festivalit Seanema në Malin e Zi dhe Luigi La Monica i Festivalit Evropian të Filmit në Leçe.
Qëllimi i këtij rrjeti është të ndërtojë një platformë bashkëpunimi midis festivaleve në zonë, me shkëmbime filmash dhe eventesh, shkëmbimin e praktikave më të mira dhe të projekteve të përbashkëta.
“Circe” brenda të cilit është dhe ky rrjet festivalesh ka partnerë “Apulia Film Commission”, Rajonin e Molises, Qendrën e Filmit Shqiptar dhe Qendrën e Filmit në Malin e Zi.